പാലക്കാട് മില്‍മ ബൂത്ത് നടത്തുന്ന ബിന്ദുവും ആയി അല്പം നല്ല പരിചയമുണ്ട്.
( ബിന്ദു എന്ന പേര് സാങ്കല്‍പ്പികം ആണ്. ഇന്ത്യയിലെവിടെയും മില്‍മ ബൂത്ത് നടത്തുന്നതോ മുമ്പ് നടത്തിയതോ ആയ ഒരു ബിന്ദുവിനും ഈ ബിന്ദുവുമായി സാമ്യമില്ല.)
ബിന്ദുവുമായുള്ള സൗഹൃദം കൂടി വാട്സ്ആപ്പ് സന്ദേശങ്ങള്‍ ഒക്കെ അയച്ചു തുടങ്ങി. സദാചാര ലംഘനമുള്ള ഒരു മെസേജുമില്ലെട്ടോ, ക്ഷേമാന്വേഷണങ്ങളും കടയിലെ വിശേഷങ്ങളും മാത്രം.
ഒരു ദിവസം അപ്രതീക്ഷിതമായി ചില വിരുന്നുകാരെത്തി. പെട്ടന്ന് ഒരു രണ്ടുമൂന്ന് പാക്കറ്റ് വാങ്ങിവരാന്‍ ശ്രീമതി കല്‍പിച്ചു.
വീട്ടീന്ന് ഇറങ്ങി ഒരു കിലോമീറ്റര്‍ ഇടത്തും വലത്തും ഓരോ മില്‍മാ ബൂത്തുണ്ട്. ഇടതുള്ളത് ബിന്ദുവിന്‍റേതാണ്, അവളോട് മെസേജ് ചെയ്തു ചോദിച്ചിട്ട് പോകാം. ഇല്ലെങ്കില്‍ വലതുഭാകത്തുള്ള ബൂത്തില് പോകാം,സമയവും ലാഭിക്കാം എന്ന് തീരുമാനിച്ച് അഥിതികളുമായി സംസാരിച്ചുകൊണ്ടുതന്നെ ബിന്ദുവിന് മെസേജ് അയക്കാന്‍ തുടങ്ങി.
*പാലുണ്ടോ ബുത്തില്*??
എന്ന് അയക്കാന്‍ ആണ് വിചാരിച്ചതും അയച്ചതും. പക്ഷേ രണ്ടു മെസേജ് ആയിപോയി എന്ന് മാത്രമല്ല ആദ്യത്തെ മെസേജ് അയച്ച് രണ്ടാമത്തെ മെസേജ് ടൈപ്പ് ചെയ്യുന്നതിനിടക്ക് അവളുടെ മറുപടി വന്നത് കണ്ടുമില്ല. അതൊന്നും തെറിവിളിക്കിടയില്‍ അവളോട് പറഞ്ഞാ മനസിലാവണ്ടേ!!!
മെസേജ് ഇങ്ങനെ....
ഞാന്‍ :-''പാലുണ്ടോ''
ബിന്ദു:-''ഇല്ല''
ഞാന്‍:-''ബൂത്തില്??''
ഇപ്പൊ ആ ബൂത്തില് പോകാന്‍ പറ്റാതായി അത്രതന്നെ.
No comments:
Post a Comment